नेपाल समाजवादी पार्टीको ५ ‘स’

हामी लोकतन्त्रलाई औपचारिक वा कर्मकाण्डी हैन, वास्तविक लोकतन्त्र बनाउन चाहन्छौं । त्यसनिम्ति हामीले पार्टी र राज्यका निकायहरुमा मधेशी–थारु, आदिवासी/जनजाति र खस–आर्य तथा महिला र दलितको समानुपातिक समावेशी प्रतिनिधित्व सुनिश्चित गर्नेछौं । पार्टी र राज्यको अति–केन्द्रिकृत ढाँचाको अन्त्य गर्दै प्रत्यक्ष र सहभागितामूलक लोकतन्त्रको अभ्यास गर्नेछौं । एक व्यक्ति, एक कार्यकारी पद र एक कार्यकारी पद, अधिकतम दुई कार्यकालको व्यवस्था कडाइपूर्वक लागु गर्नेछौं । हामी लोकतन्त्रलाई सिंहदरबारभित्र कैद गर्ने हैन जनताको घर–दैलोमा पुर्‍याउनेछौं ।